كتبت – م / عبير بلح
سميت بهذا الاسم لان المدينة من الصعب ان يكون بناها بشر …
تعالوا نعرف ليه؟
المدينة موجودة في محافظة “نوشهر” في تركيا … اكتشفها اتنين من السائحين (سائح تونسي وسائح مغربي) بالصدفة سنة ١٩٦٣ وبعد كدة بدأ الاهتمام بالمدينة العجيبة خصوصا لما اكتشفوا طريقة التصميم…
اتسمت “درينكويو” لأن معناها البئر العميق.. عمقها تحت الأرض ٨٥ متر، ومساحتها ٤٤٥ كم٢.. تخيلوا مدينة بالعمق ده تحت الأرض مبنية بشكل هندسي دقيق جدًا، ومقامة كلها من الصخور البركانية اللينة.. لدرجة أن بعض العلماء قالوا إنها هندسيًا تتشابه دقتها مع أهرامات الجيزة.. مبنية بذكاء عالي جدًا
وقالوا إن إعادة بناءها مستحيل حتى باستخدام أحدث المعدات (تركيا فيها مجموعة مدن تحت الارض لأن “درينكويو” أجملهم وأعجبهم) والعجيب ان المدينة دي لها بوابات حجرية وزنها من ٢٠٠ ل ٥٠٠ كيلو ولها أقفال من الداخل فقط بتتفتح بسهولة جدًا من داخل المدينة..لكن مستحيل فتحها من خارج المدينة وأسلوب تأمينها ذكي جدًا ولها فتحات تهوية لتجديد الهواء (حوالي ١٥ ألف فتحة) ودرجة الحرارة والرطوبة فيها معتدلين غير انها مقسمة لطوابق (١٣ دور) مبنية بتنظيم غريب..
كل دور في عدد كبير من البيوت فيها كل حاجة ممكن نتخيلها..
حتى الحيوانات كان لها أماكن مخصصة لها زي اسطبلات الخيل مثلًا وكل بيت بيحتوي على حجرات نوم ومطبخ كبير في كل بيت … ووسائل ترفيه مختلفة ومصابيح إنارة …
العجيب ان المدينة فيها أنفاق وسراديب بتوصل المدينة لمدينة تانية تحت الأرض برضه.. والأنفاق دي ماحصلهاش أي مشكلة لغاية دلوقتي رغم الكوارث الطبيعية اللي حصلت للمنطقة على مدار السنين.. علشان كدة فيه أقاويل إن اللي أنشأ المدينة دي من ألاف السنين كيان خارق مش بشر أبدًا .
فيها كمان غرف كتير لعصر وتخزين النبيذ والزيتون ، وأبار للمياه حوالي ٥٢ بئر.. ومخازن للأكل ومخازن للنفط وخزانات مياه.. ومتاجر.. يعني أهل المدينة أكيد كانوا بيخرجوا ويرجعوا بشكل ما .
والأغرب من كدة إن فيها مقابر.. وكنائس كمان
المدينة غالبًا كانت مصممة علشان تكون مخبأ آمن لناس محدش يعرف هما تابعين لأي حضارة وإزاي قدروا يصمموا مدينة زي دي وإزاي تأقلموا يعيشوا تحت الأرض والأهم من ده كله كانوا مستخبيين من مين؟
